-
సీపీఐ జాతీయ కార్యవర్గ సభ్యులు చాడ వెంకట్ రెడ్డి
సిద్దిపేట: ప్రధాని మోదీకి సొంత బలం లేదని, అందుకే బీహర్, ఏపీకి ప్రత్యేక నిధులు ఇచ్చారని సీపీఐ జాతీయ కార్యవర్గ సభ్యులు చాడ వెంకట్రెడ్డి ఆరోపించారు. సిద్దిపేటలోని సీపీఐ ఆఫీస్లో మీడియాతో ఆయన మాట్లాడారు.. కేంద్రం తెలంగాణకు అన్యాయం చేస్తూ మొండిచేయి చూపిందన్నారు. నిధులు లేక రాష్ట్రంలో అప్పులు కుప్పులుగా మారాయన్నారు. కేంద్ర ప్రభుత్వం దేశంలో వెంటనే కుల జనగణన చేపట్టాలని డిమాండ్ చేశారు.
ఇండియా కూటమిలో కులజనగణన చేపట్టాలని చర్చ జరిగిందన్నారు. ఏపీ లో చంద్రబాబు ప్రపంచ బ్యాంక్ తో ఒప్పందం చేసుకుని విద్యుత్ ఛార్జీలు పెంచారన్నారు. దేశవ్యాప్తంగా డాక్టర్లు ధర్నాలు చేస్తున్నారని ఆయన పేర్కొన్నారు. రాష్ట్ర ప్రజలకు సీఎం రేవంత్ రెడ్డి ఇచ్చిన హామీలను అమలు చేయాలన్నారు. గత కేసీఆర్ ప్రభుత్వంలో రేషన్కార్డుల లేవని, ఇప్పుడు రేవంత్ సర్కార్ ఎప్పడివరకు ఇస్తుందో ప్రజలకు చెప్పాలన్నారు. రాష్ట్రంలో సీఎం రేవంత్ రెడ్డి పాలనకు అవినీతి రహిత పాలనగా పేరు రావాలన్నారు. గురుకులంలోని సమస్యలను ప్రభుత్వం వెంటనే పరిష్కరించాలన్నారు.
